Pieter Koen   Face   twitter

Biografie

Met verskeie SAMA-nominasies en ’n Vonk/Rapport-toekenning op sy kerfstok, keer Pieter Koen terug met 13 kontemporêre redes om regop te sit, die ore te spits en goeie oorspronklike musiek waarmee ons almal kan identifiseer, te vier.

Hierdie ATKV- en Huisgenoot Tempo-vereerde TV-aanbieder en se agtste indrukwekkende album, Wat Die Hart Van Vol Is, maak vinnig opslae as sy beste versameling ooit.

Sedert 1997 is die vermaaklikheidswêreld al sy speelveld, maar dit was sy EMI Music trefferalbum, Skud Jou Biscuit, wat van Koen volksbesit gemaak het. ’n Dekade later spoor hierdie status, sowel as sy katalogus van agt albums en een DVD, hom steeds aan. En met 2015 wat op volle dreef is, verteenwoordig Wat Die Hart Van Vol Is die volgende hoofstuk wat bestuur is om ons gesamentlike vermaakswerklikheid op ’n magdom vlakke te beïnvloed.

Neem nou maar sy debuut, Run With Me, in 1997, waarna EMI hom aan boord geneem het vir sy tweede album, Skud Jou Biscuit, in 2004. Voeg daarby Welkom In My Wêreld in 2005, Tattoo in 2006, 3 Susters in 2008 en 3 Susters
+ Superman ’n jaar daarna. Volgende was daar sy debuut DVD-album, Tattoo Live, en die CD-bekendstelling van Haak ’n Bietjie Uit in 2010. “So baie het gebeur sedert ek my laaste album vrygestel het,” voeg Pieter by. “Tussen my TV-werk vir Jukebox en die aanbieding wat ek op Kwêla doen, is ek deur Hit Factory Records genader, en saam het ons die volgende hoofstuk van my musiek beplan.” Die eindproduk is ’n 13-snit vooruitsprong reguit na die toppunt van die trefferlyste, ’n plek wat Pieter goed ken en na aan die hart lê. Pieter was tot onlangs die aanbieder van die gewildse Afrikaanse Top 20 radioprgram op Jacaranda 94.2.

Vandag is hy bietjie ouer en heelwat slimmer, en vasbeslote om sy aanhangers ’n sy van homself te wys wat sy musiek nooit tevore vertoon het nie. Wat Die Hart Van Vol Is bied nie alleen goeie dansmusiek nie (Tydmasjien, Doenit Net, Die Een Ding Wat Ek Doen en Waar Lê Jy Vanaand), maar ook ’n dieper, weldeurdagte betekenis en gevoeligheid in snitte wat onmiskenbaar die werk is van ’n volwasse musikant en verhoogkunstenaar. “Toe ek saam met welbekende vervaardiger, Murray Lubbe, en bekroonde liedjieskrywer, Johan Oberholzer, begin werk aan hierdie album was daar ’n fundamentele kopskuif wat ek wou hê vir my nuwe album,” verduidelik hy.

Die ander liedjieskrywers sluit Ampie du Preez, Vaughan Gardiner, Hugo Ludik en Reynardt Hugo in. Musikante Juan (Floors) Oosthuizen, Danny Smoke, Denny Lalouette, Vinnie Henrico, Ricus Nel en Matthys Maree het deel aan die produksie. Binne weke na die bekendstelling daarvan, is Wat Die Hart Van Vol Is goed oppad na goue status. Dit is duidelik dat aanhangers Pieter se opwindende nuwe fase met ope arms ontvang.

“Ek is ongelooflik dankbaar vir elke oomblik tot nou toe wanneer die skeppingsproses my plat op die aarde gehou het,” erken Pieter. “Ek glo ek het myself as sanger weer gevind, en daarby is ek geweldig opgewonde oor die vooruitsigte daaraan verbonde.”

Van die pragtige opregte ballade Moenie Dink Nie Ons Doen Dit Net tot die radiovriendelike Man Van Staal, bied elke liedjie liriekbelaaide lesse wat aanhangers ter harte kan neem, en dan is daar nog die aansteeklike melodieë wat elkeen van die snitte op die nuwe album koester.

“Ek is al 14 jaar getroud en het drie pragtige kinders,” wys Pieter uit. “Omdat ek my repertoire verder uitbrei as die prettige, ligte sy van my persoonlikheid, kan ek saam met my bestaande gehoor groei terwyl ek my musiek vir die eerste keer aan selfs nog meer mense bekendstel. Met hierdie album kon ek net wees, en my persoonlike stempel op elke liedjie afdruk. Deur my eie perke te bepaal het ek myself uiteindelik voorberei om die reis vorentoe met my aanhangers te geniet.”

In ’n bedryf wat Pieter oor die laaste dekade help vorm het, is dit een ding om met aanhangers te skakel maar dit vereis ’n spesiale soort ster om hulle werklik te betrek en hulle aandag te behou. “Die Suid-Afrikaanse musiekbedryf het so baie gegroei vandat ek my debuut destyds in 1997 vrygestel het,” dink hy terug. Sedertdien het Pieter ook een van die land se min waarlik suksesvolle en veelsydige verhoogkunstenaars geword. “Ek het eers by musiek begin,” voeg hy by, “en toe gebeur TV en radio as gevolg daarvan. Elke aspek van my lewe voed die ander, en dit is dié deel waarvan ek die meeste hou.”

“My musiek is beter as gevolg van my radiowerk en die vier jaar wat ek al Jukebox aanbied,” gaan hy voort. “Elkeen vind baat by my mad-hatter begin in musiek sowel as by my meer gevestigde en subtiele temas en stemmings op
Wat Die Hart Van Vol Is.

 

“Ek is lief vir wat ek doen en beoog om dit nog vir ’n lang tyd te doen,” dring Pieter aan. “As verhoogkunstenaar is ek nuuskierig oor wat my gehore dryf – veral as hulle my in die gesig staar,” skerts hy.

Wat hy doen as veelsydige vermaaklikheidspersoonlikheid maak van Pieter Koen ’n ekstrovert. Maar wie hy is en wat hom dryf as mens, word weerspieël in die 13 snitte op Wat Die Hart Van Vol Is. “Dit maak ’n mens nogal bang
om meer van jou persoonlikheid bloot te stel,” erken hy. “Om nog ’n laag by te sit and dinge een trappie verder te vat, dit is waar ek nou is, en dit is verfrissend!”

Sy oupa was ’n lid van ’n boere-orkes, sy ma het gesing, en nou vat Pieter self die leisels oor, gretig om steeds sy merk te bly maak, al het hy reeds agt indrukwekkende albums en goueverkope agter sy naam. Party mense sê, “Uit
die oog, uit die hart”. Dit lyk asof die toekoms net goeie dinge inhou vir Pieter Koen se aanhangers en sy musiek, danksy hierdie keurige en geloofwaardige album. Voeg daarby die vooruitsig om Wat Die Hart Van Vol Is, asook meer as ’n handvol van sy ander treffers, binne die volgende jaar lewendig te siene en te hore te kry, en die lewe is lekker.

“Ek het verskriklik hard gewerk om weer te kan optel waar ek was met my laaste album,” gee hy toe, “en ek beplan om dit so te hou.” Wat Die Hart Van Vol Is is die gevolg van stemafrigting en introspeksie, tesame met ’n goeie dosis ligte pret – en jy kry die heel beste van Pieter Koen vandag. Wat môre inhou sal niemand weet nie, maar as hy enigiets daarmee te doen het, is dit gewaarborg om uitstekend te wees.

 

Wat Die Hart Van Vol Is is ’n perfekte weerkaatsing van waar ek nou is,” sluit hy af. Hy laat niks aan die noodlot oor nie – elke aspek van wat hom suksesvol maak is deeglik oorweeg en geskaaf, en in wese deel van ’n veelsydige, volledige vermaaklikheidspakket. Die eindresultaat is suiwer genot van begin tot einde!

 

IN KORT:

• Run With Me – Eerste album vrygestel – 1997
• Skud Jou Biscuit – Tweede album vrygestel – 2004
• Welkom In My Wêreld – Derde album vrygestel – 2005
• Tattoo – Vierde album vrygestel – Behaal GOUE status – 2006
• Tattoo LIVE – Debuut DVD-album vrygestel – 2007
• SAMA-benoeming vir Afrikaanse Pop album – Tattoo 2007 – 2007
• 3 Susters – Vyfde album vrygestel – Behaal GOUE status – 2008
• ATKV-Veertjie – Beste aanbieder vir Kwêla op kykNET – 2008
• 3 Susters & Superman herverpakking – 2009
• SAMA-benoeming vir Afrikaanse dans album – 3 Susters – 2009
• Rapport Vonk Musiektoekennings – Beste komedie album – 3 Susters – 2009
• Haak ‘n Bietjie Uit –Sesde album vrygestel – 2010
• Grootste Treffers – Sewende album vrygestel – 2011
• Huisgenoot Tempo wenner – Beste aanbieder – Jukebox – 2013
• Wat Die Hart Van Vol Is – Agste album vrygestel – 2014
• Huisgenoot Tempo benoeming – Kontemporêre album – 2014
• Huisgenoot Tempo wenner –Beste Aanbieder – Jukebox – 2014
• SAMA benoeming – Kontemporêre album – Wat Die Hart Van Vol Is – 2015

PIETER KOEN – KAN NIE VRA VIR MEER

Pieter Koen is terug met ‘n splinternuwe album. Hierdie kontemporêre aanslag met sterk pop invloede is ‘n lekker luister album vir oud en jonk. Uitgereik in 2016.

1. Wat Die Hart Van Vol Is
2. 7 Wonders Van My Wêreld
3. ‘n Man Kan Ook Huil
4. Ek Sit My Voet Neer Vir Jou
5. 12 uur
6. Die Kortste Pad Huistoe
7. Sonskyn In Die Kaap
8. ‘n Pa Se Hart Se Punt
9. Skryf
10. Dankie
11. Boobs Boude Bene
12. P.A.R.T.Y

Koop Nou!

PIETER KOEN – WAT DIE HART VAN VOL IS

‘n Splinternuwe ouer en volwasse Pieter is terug met ‘n sielvolle album wat jou sal verbaas. Dertien oorspronklike snitte hoofsaaklik uit die pen van bekroonde liedjieskrywer, Johan Oberholzer. Sluit in die treffer Man Van Staal. Uitgereik in 2013.

1. Wat Die Hart Van Vol Is
2. Man Van Staal
3. Die Een Ding Wat Ek Doen
4. So Hard Geval
5. Alfabet
6. Iets
7. Tydmasjien
8. Moenie Dink Nie Ons Doen Dit Net
9. Doenit Net
10. 7 Dae En Nagte
11. Niks Anders Kan So Mooi Lyk Nie (Net Jy)
12. Waar Lê Jy?
13. Krag Van Die Vlag

Koop Nou!


Unable to display Facebook posts.
Show error

Error: (#4) Application request limit reached
Type: OAuthException
Code: 4
Please refer to our Error Message Reference.

Nuutste nuus oor Pieter Koen

SKOFFEL DIE NUWEJAAR IN SAAM MET LEAH EN PIETER

Carnival City Casino and Entertainment World gaan kook op 31 Desember met Super Sokkie New Year’s Eve wat die dak gaan lig! Stof jou lekkerste paar dansskoene af en kom sokkie saam met Leah, Pieter Koen, Kurt Darren, Ricus Nel, Ray Dylan en Jan Bloukaas. Kry jou kaartjies by Computicket.

KWÊLA SAAM MET PIETER EN WILLEM

Die naweek is nog nie verby nie en as jy vanaand by die huis is kan jy nie #Kwêla hierdie week misloop nie! Willem Botha maak ‘n nostalgiese draai by die Outeniekwa spoor-en vervoermuseum en Pieter Koen ontmoet vir Larry Paul en die 300 wolwe wat hy naby Reitz rehabiliteer. Skakel vanaf 18:00 in op…

Details

PIETER KUIER SAAM MET JOU OP JUKEBOX

Dit is amper weer tyd vir Jukebox op kykNET NOU – om 20:00! Pieter Koen kuier in die ateljee saam met jou land se top kunstenaars. Moenie vergeet die ateljee te skakel met jou versoek nie!

BESPREEK PIETER HIER – EN LOER NA SY DIEP KANT

Het jy al Pieter Koen se hartroerende musiekvideo vir ‘n Man Kan Ook Huil gesien? Die grapmaker en Jukebox-aanbieder het ook ‘n dieper kant om te deel. Bespreek hom gerus hier by #COProductions op 012 751 3601. Intussen – geniet die video hier: https://www.youtube.com/watch?v=9AtxOppjCKQ

BESPREEK ONS KUNSTENAARS VIR 2019

SPESIALE AANBOD! As jy ‘n fees vir 2019 beplan, skakel ons gerus vir fantastiese pakketpryse op ons kunstenaars. Kry ‘n kombinasie van ons kunstenaars om jou fees of skou onvergeetlik te maak. Bespreek voor einde November om te kwalifiseer vir verdere afslag. Stuur ‘n e-pos aan info@coproductions.co.za.

BESPREEK PIETER VOOR EINDE NOVEMBER

Pieter Koen is ideaal vir jou fees, skou, manne-aand en selfs damestee. Hy kruip baie vinnig in jou gaste se hart en jou funksie sal nog lank daarna onthou word. Kontak ons gerus om hom te bespreek – onthou dagboeke vir 2019 is reeds oop en ‘n spesiale aanbod geld tot einde November.

SKAKEL OM 18:00 IN OP KYKNET

Dis amper tyd vir nog ‘n interessante episode van #Kwêla op kykNET. Skakel in vanaf 18:00 en ontdek saam vir Suid-Afrika en sy mense!

PIETER KOEN BY PICK ‘N PAY FEARIE GLEN

Pieter Koen kuier môreoggend by Pick n Pay Faerie Glen. Kom kuier saam en staan ‘n kans om ‘n splinternuwe bakkie te wen. Maak seker jy is daar vanaf 11:00 om in die aksie te deel!

PIETER KUIER IN PRIESKA

Kom kuier op 2 November saam met Pieter Koen by die GWK Oewerfees in Prieska. Jy kan uitsien na ‘n Colour Run, Mnr. en Mej. Oewerfees, perdesport en soveel meer. Alles vind plaas op die Soon le Roux-jeugkampgronde en jy kan 082 842 2684 kontak vir meer besonderhede.

KOM KWÊLA SAAM VANAAND

Skakel vanaand in vir hierdie week se episode van #Kwêla. Willem Botha het in Calitzdorp gaan kuier tydens die Vetplantfees. Het jy geweet die wit poertjie wat jy soms op die plantjie kry is vir beskerming teen die son? Jy gaan sommer baie interessante dinge leer vanaand, om 18:00, op kykNET.

PIETER IN DIE PAARL

Pieter Koen kuier vanaand by Ej’s sportspub & entertainment Paarl. As jy voor 19:00 daar is, is toegang gratis! Na 19:00 is dit slegs R70. Vir meer inligting, skakel hulle op 021 872 8965

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

20 − 11 =

clear formSubmit