Willem Botha   Face   twitter

Biografie

Die vermaaklikheidsbedryf het met rasse skrede gegroei die dag toe Willem Botha sy toetrede gemaak het.

In 2006 soengroet hy Idols-aanhangers, en intussen het hy tienduisende van sy eie bewonderaars bygekry met drie bekroonde albums en groot film-,teater- en TV-rolle agter sy naam.

Op 28 is die meeste jong Suid-Afrikaners gelukkig met ’n kwalifikasie en, selfs beter, ’n vaste werk om hulle drome te help bou. Op hierdie ouderdom het Willem pas teruggekeer vanaf Europa waar hy geskiedenis gemaak het as die eerste Afrikaanse kunstenaar wat deelgeneem het aan die merkwaardige Eurovision Song Contest.

Hy was deel van die span van Belarus en het deurgedring tot in die finaal. Meer as ‘n 100 miljoen kykers het die finaal in 44 lande gevolg. ‘n Droom wat bewaarheid is vir Willem! Hy het ook reeds opgetree in onder meer België, Nederland, Luxemborg, Swede en Dubai.

Willem aanvaar nie enige aspek van sy hoogs kleurvolle loopbaan as vanselfsprekend nie, en hy dryf homself en sy
Godgegewe talent tot die randjie van selfs groter dinge. “Ek lewe my droom,” vertel hy. “Ek het altyd geweet ek wil meer as ’n musikant wees. Ek is ’n vermaaklikheidskunstenaar in elke sin van die woord.” As sanger, danser, akteur en meer onlangs ook liedjieskrywer, is hy op ’n nuwe groeikurwe – tot voordeel van die ewig-stygende getal bewonderaars wat ’n liefde vir wêreldklas vermaak deel.

Om te bevestig dat daar nog baie is waar die vorige twee albums vandaan gekom het, merk Julie 2012 die vrystelling van sy se nuutste 14-snit album. My Stem Is Joune spog met ’n vlak van volwassenheid en eerlikheid wat aanhangers van 2006 se baanbrekerdebuut Kô Ma Hier en 2010 se SAMA-genomineerde opvolger Sê My Nou sal bekoor. Die album is gevul met kragtige vooruitgang. “Ek was mede-skrywer op die album en het Vat Oor By My Jesus en Breek Op In Stereo’ geskryf en ook help skryf aan Sad Song, en ek’s mal oor die hele proses,” vertel hy.
“Hierdie album het alles vir my verander. Die liedjies is ongelooflik sterk danksy die wonderlike span talentvolle liedjieskrywers Johan Oberholzer en Machiel Roets. Roets, bekend vir die treffer My Lewe Draai Om Jou (die titelsnit van Liefling Die Movie) het Sad Song gehelp skryf, terwyl Oberholzer agt liedjies bygedra het, insluitende die titelsnit van Botha se nuwe treffer-besaaide versamelstuk.

Al is Willem reeds suksesvol, pak hy elke dag oopkop aan en is gretig vir enige uitdaging wat die bedryf oor sy pad bring. Musiek is ook net een faset van sy veelsydige gawes. Ná sy filmdebuut in 2010 se Liefling, Die Movie (amptelik die mees suksesvolle Afrikaanse rolprent ooit), is dit opgevolg in 2012 met ‘n rol in Pretville. Middel 2011 het Willem ook een van die hoofrolle in die musiekblyspel oor die grensoorlog, TREE AAN, vir twee uitverkoopte seisoene vertolk. Middel 2013 merk sy deurbraakrol en ook sy TV-debuut in die drama, Donkerland, uit die pen van bekroonde Deon Opperman. Middel 2014 merk sy terugkeer na die teater met ‘n hoofrol in die treffer musiekblyspel, Reik Na Die Sterre. “Ek glo nie in geluk nie,” sê hy, op die man af. “Jy maak jou eie geluk. Ek werk ongelooflik hard, elke dag, om geleenthede te vind en my met wonderlike mense te omring waarmee ek saamwerk.”

Met tyd kom ondervinding en volwassenheid, twee eienskappe wat hy inspan met elke kans wat hy kry. “My stem het ongelooflik gegroei en verbeter,” reageer hy as mens hom vra hoe My Stem Is Joune met sy vorige twee vrystellings vergelyk. “Die algehele klank van elke liedjie is sterk. Die kwaliteit en produksie is ook beter as ooit. Ek skryf oor die lewe en ondervindings wat ek gehad het, so daar is ’n vlak van eerlikheid en integriteit waarop ek baie trots is.”

Wanneer dit kom by die musiek wat hy skryf, sing en uitvoer, is Willem nie aanstellerig oor enige aspek nie. “Ek gee nie om wat ek sing nie,” voeg hy by. “As mense dit geniet, dan is dit wat my gelukkig maak.”

Vir Willem is dit niks nuuts om die verhoog met kunstenaars soos Steve Hofmeyr te deel nie en is gaskunstenaar op sy Haloda, DVD wat September 2012 uitgereik is. “Dis altyd ’n groot voorreg om genooi te word om saam met Steve te werk,” sê hy. Ek hou daarvan om lewendig op te tree en om op die verhoog te wees. Dit is waar ek in my elementis. Dis waar ek regtig tevrede is.”

Hy is puntenerig oor die klein dingetjies en dring daarop aan dat alles wat hy aanraak die beste moet wees wat dit moontlik kan wees. Willem het werk gemaak daarvan om elke aspek van My Stem Is Joune te beïnvloed – regdeur
tot by die kunswerk wat die omslag versier. “Ons het die omslag geskiet op ’n perdeplaas buite Pretoria,” vertel hy. As ’n Springbok-ruiter, maak hy steeds tyd in sy besige skedule om perd te ry by sy broer, ’n perde-afrigter, op die plaas. “Ek het grootgeword op ’n plaas naby Riversdal, so ek gryp enige kans om op die familieplaas te gaan ontspan.”

Een luistersessie van My Stem Is Joune sal langdurige aanhangers tevrede stel in die wete dat die beste dele wat hulle in Willem Botha leer ken en liefkry het, nog steeds ongeskonde is. “Ek het selfs ’n club mix van Breek Op In Stereo, sowel as ’n medley van drie liedjies van my debuut, Kô Ma Hier, ingesluit,” sê hy. “Ek sing die medley by amper al my vertonings. Nou kan aanhangers vir die eerste keer die ervaring saam met hulle huis toe vat en dit kliphard speel.”

Willem weet van watter kant die wind waai, en maak tyd om te reageer op elke aanhanger wat kontak maak op sy sosiale media platforms. “Ek’s baie aktief op Facebook en Twitter,” wys hy uit. “As my bewonderaars die moeite doen om met my te praat, wil ek die dieselfde doen. Sedert die begin van Idols was ek baie aktief aanlyn. Dis ’n goeie manier om in voeling te bly met die mense wat my toelaat om aan te hou doen waarvoor ek lief is.”

Willem Botha het dalk reeds sukses geproe maar hy is honger vir nog en meer as bereid om die maaltyd self voor te berei langs die pad. “Daar is ’n goeie gesegde wat ek aangepas het. Dit het vir my ietwat van ’n mantra geword wat opsom hoe ek my lewe lei. Dit gaan so: “Die hysbak na drome is gebreek, so ek klim die trappe.”

Tussen familie en goeie vriende wat hom almal help om sy voete op die grond te hou, en ‘n sterk bestuursspan wat ewe veel belê het in sy toekoms, omring Willem homself met talentvolle mense. “Wat ek doen is dikwels vol uitdagings,” sluit hy af. “Hoeveel mense kry die kans om te doen wat ek doen? Daar gaan nie ’n dag verby wat ek nie stop en dankie sê vir elke geleentheid wat ek kry nie. Hopelik hoor aanhangers dit in die liedjies, en veral wanneer ek lewendig optree en hulle persoonlik kan bedank.”

2015 merk ‘n moontlike hoofrol in ‘n groot TV-reeks asook produksie aan sy nuwe album wat vroeg 2016 uitgereik sal word.

 

IN KORT:

• Idols naaswenner – 2006
• Huisgenoot Tempo toekenning – Beste Nuweling – 2007
• Kô Ma Hier – eerste album vrygestel – 2007
• Sê My Nou – tweede album vrygestel – 2009
• Liefling, Die Movie – 2010
• SAMA-nominasie vir Sê My Nou – 2010
• TREE AAN, die musiekblyspel – hoofrol – 2011
• Fiesta toekenning – Beste Aanbieder – 2012
• Naledi nominasie – TREE AAN – 2012
• My Stem Is Joune – derde album vrygestel – 2012
• Gaskunstenaar op Steve Hofmeyr se Haloda DVD – 2012
• Huisgenoot Skouspel – 2012
• Pretville – 2012
• SAFTA Award – Pretville – 2013
• Huisgenoot Tempo nominasie vir My Stem Is Joune – 2013
• Donkerland – hoofrol in TV-drama – 2013
• Eurovision Song Contest – deel van die Belarus-span in Swede – 2013
• Reik Na Die Sterre – hoofrol in musiekblyspel – 2014

WILLEM BOTHA  – IEMAND AS JOU HART BREEK

Enkelsnit slegs beskikbaar op iTunes. Willem self het die snit geskryf en het ook een van kykNET se Musiekvideo Projek video’s gewen. Ook beskikbaar op Afrikaans Is Groot Volume 7. Uitgereik in 2014.

  1. Iemand As Jou Hart Breek

WILLEM BOTHA –  MY STEM IS JOUNE

Na nog drie jaar volg sy derde album – ‘n ouer en meer volwasse Willem met ‘n baie meer organiese klank op die album. Meeste liedjies uit die pen van Johan Oberholzer en Willem self het ook twee snitte geskryf. Sluit die radiotreffer Breek Op In Stereo in. Uitgereik in 2012.

  1. Saggies Praat Is Duiwelsraad
  2. Breek Op In Stereo
  3. My Stem Is Joune
  4. Vat Oor By My Jesus
  5. Klapsoen
  6. Soen My Tot Jy Lekkerkry
  7. Hoeveel Kos ‘n Seël
  8. The Climb
  9. Lekker Van Jou
  10. Ek Kan Nie Ophou Nie
  11. Sad Song
  12. Jy Irriteer My
  13. Breek Op In Stereo (Club Mix)
  14. WB Medley

Koop nou

WILLEM BOTHA – HEMELHOOG

Enkelsnit slegs beskikbaar op iTunes. Willem het ‘n vertaling van die Belgiese Nr.1-treffer Hemelhoog gedoen. Hy het ook die enkelsit in België by die oorspronklike vervaardiger gaan opneem. Uitgereik in 2013.

  1. Hemelhoog

WILLEM BOTHA – SÊ MY NOU

Drie jaar na die vorige vol sy tweede album. Willem self het geskryf en bekroonde liedjieskrywer Johan Vorster het ook weer bygedra. Album sluit ook die duet met Andriette, Hoe Meer Ons Dit Doen, in. Uitgereik in 2009.

  1. Wow, Dis Hoe Ek Van Jou Hou
  2. Sê My Nou
  3. Onsigbaar Vir Jou
  4. Hi Hi Ho
  5. Wie Is Jy?
  6. Moet Dit Nie Sê Nie
  7. Hoe Meer Ons Dit Doen (duet met Andriette)
  8. Oe Ja Boom
  9. Bye Baby Bye Bye
  10. Rock Vanaand Langs Jou
  11. My Hart Klop Boom
  12. Al Is Jy Million Miles Away
  13. Ek Sien Jou Môre
  14. Unbelievable
  15. Best Days Of Our Lives

WILLEM BOTHA – KÔ MA HIER

Na hy tweede gekom het in 2006 se Idols het sy debuutalbum kort daarna gevolg. Hy het ook sy eie hand aan skryf gewaag met groot sukses. Ander skrywers sluit in Johan Vorster, Sean Else en Tony Ridgeway. Uitgereik in 2007.

  1. Ek’s Joune ( Aeroplane)
  2. Kô Ma Hier
  3. Mariaan
  4. Blou
  5. Ek Sal Wag Vir Jou
  6. Jy’s My Match
  7. Boomerang
  8. Bly By My
  9. Heaven By Your Side
  10. Is Dit Ek Of Jy
  11. Dis Alles ‘n Miracle
  12. Ek Soek Jou Teen My (Mama Mia)

Unable to display Facebook posts.
Show error

Error: (#4) Application request limit reached
Type: OAuthException
Code: 4
Please refer to our Error Message Reference.

Nuutste nuus oor Willem Botha

TYD VIR TOP 20 SAAM MET WILLEM

Dis amper weer tyd vir die week se top Afrikaanse musiekvideo’s op die kykNET #Top20. Wie kuier by Willem Botha in die ateljee? Vind uit vanaf 20:00 op kykNET NOU!

WILLEM IS SMEULEND IN MUSIEKVIDEO

Hier is ‘n lekker #tbt! Gaan loer bietjie na Willem Botha se smeulende musiekvideo vir sy enkelsnit, Swartskaap. Lyk hy nie vir jou ongelooflik aantreklik nie? https://www.youtube.com/watch?v=2m5sX8Ikoic

JY KAN NIE OP HIERDIE KONSERT UITMIS NIE!

Moenie vergeet om jou kaartjies te kry vir Leah, Willem Botha en Touch of Class se optrede op 23 Desember by Jolly Dolphin nie. Dit gaan ‘n aand wees wat jy nog lank daarna sal onthou!

HARTENBOS SE AKSIE SKOP VANDEESWEEK AF!

Die eerste van die opwindende vertonings by ATKV-Hartenbos begin reeds hierdie week en daar is hope om na uit te sien! Kaartjies is beskikbaar by iTickets SA.

SKAKEL VANAAND IN OP KYKNET

Moenie vanaand se episode van #Kwêla, om 18:00 op kykNET, misloop nie. Dit is weer propvol heerlike kuiertjies en jy gaan sien wie vanjaar met die die Funnies Feite en Geite-titel wegstap! Hier is ‘n lusmaker:

WILLEM DEEL WYSE WOORDE

Willem Botha is al baie beskryf as een van die vriendelikste en nederigste kunstenaars. “Om nice te wees is die nuwe cool wees”, sê Willem. Stem jy saam?

WILLEM IN AKSIE IN HARTENBOS

Willem Botha is een van die kunstenaars wat hierdie Desember in Hartenbos optree en jy kan hom sien op die 18de by die Pretpark amfi-teater. Kom vergeet van die hitte en laat Willem se koel melodieë jou laat lekker kry! Bespreek by iTickets SA. Is jy daar?

KUIER SAAM MET PIETER EN WILLEM OP KYKNET

Jy kan amper naderskuif vir vanaand se episode van #Kwêla op kykNET. Pieter Koen draai by Mauritz Meyer, die 75-jarige man agter die Tshwane Classic-fietswedren en Willem Botha ontmoet vir Brendan en Danelle Murray, ‘n egpaar wat uile red en rehabiliteer. Dit is alles om 18:00 op kykNET. Hier is ‘n lusmaker. https://www.youtube.com/watch?v=BnXErwyOyRc

MAAK SEKER JY IS DESEMBER IN HARTENBOS

Hierdie Desember is daar witwarm vermaak in Hartenbos! Kom kuier saam by die Na Donker-skoffelskuur en die pretpark se amfiteater. Top kunstenaars soos Jay du Plessis, Willem Botha, Radioraps, Elandré en Spoegwolf gaan in aksie wees om te verseker jy het die beste feesseisoen ooit! Kaartjies is beskikbaar by iTickets SA.

MAAK SEKER JY IS DESEMBER IN HARTENBOS

Hierdie Desember is daar witwarm vermaak in Hartenbos! Kom kuier saam by die Na Donker-skoffelskuur en die pretpark se amfiteater. Top kunstenaars soos Jay du Plessis, Willem Botha, Radioraps, Elandré en Spoegwolf gaan in aksie wees om te verseker jy het die beste feesseisoen ooit! Kaartjies is beskikbaar by iTickets SA.

LEAH, WILLEM EN TOUCH OF CLASS IN JEFFREYSBAAI

Op 23 Desember kuier Leah, Willem Botha en Touch of Class Music in die pragtige dorp Jeffreysbaai – wat ook onlangs aangewys is as Dorp van die Jaar! Hulle gaan by Jolly Dolphin in aksie wees – maak seker jy kry jou kaartjies vroegtydig!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

eighteen − 15 =

clear formSubmit