Reynardt is al vir nege jaar in die musiekbedryf doenig assanger en liedjieskrywer as deel van die sanggroep, ADAM. Saam het hulle oor die laaste dekade knieë lam gemaak met stringe treffers soos Kasteel, Gebore Om Jou Lief Te He, Sal Oorlog Vir Jou Maak, Goud en Sê My. Hulle het ook talle toekennings ingepalm, maar het einde 2019 besluit om die groep te ontbind met ‘n laaste Farewell-toer.

Reynardt is ook bekend vir sy rol as dr. Tertius Jonker in die gewilde kykNET-sepie, Binnelanders, en het al in verskeie teaterstukke en verhoogproduksies, waaronder Houtkruis, gespeel en tree gereeld as seremoniemeester en spreker by funksies op. Hy was ook te sien as gasspeler in die fliek, Vuil Wasgoed en spog met ’n BA Drama-graad van die Universiteit van Pretoria.

Reynardt is mal oor sekere klassieke-en popmusiek asook instrumentele snitte vanaf die klankbane van flieks en glo dat dit belangrik is om jou voete stewig op die aarde te hou, al is jy hoe suksesvol. As jy hom vra watter werk hy sou wou doen as hy nie mense vermaak het nie, verklap hy: “Ek sou dit love om te kon skilder en dat mensemy werke kon koop, maar ek kan ongelukkig nie baie goed teken nie.”

Hy was saam met Hugo Ludik verantwoordelik vir die skryf van ADAM se liedjies en sê: “Aan die een kant is die skryfproses baie meganies. Jy skryf spesifiek vir die mark. Jy moet, andersgaan jy nie ’n lewe kan maak nie. Aan die ander kant is dit baie persoonlik. Dit kom soos wat jou hart die lewe onvoorwaardelik liefhet en jy jouself oopmaak vir inspirasie.”

2020 merk die begin van nuwe uitdagings vir Reynardt. Aanhangers kan uitsien nasy eerste solo enkelsnit en musiekvideo, hy trou met die liefde van sy lewe en hy bring ook ‘n outobiografie uit.

So of jy op soek is na lekker vermaak vir jou funksie, ‘n aanbieder, ‘n beoordelaar of spreker – Reynardt doen dit alles.

ADAM – BEWE 

BEWE is ‘n spesiale dubbel-CD wat ‘n hervrystelling van die trio se suksesvolle album, Hoogtevrees, wat in Augustus 2016 uitgerei is insluit, asook tien splinternuwe snitte wat wissel tussen voetstamplekker dansliedjies, sielvolle ballades en kreatiewe verwerkings wat ou gunstelinge.Uitgereik in 2018.

1. Voorwoord

2. Vaderland

3. Goeie Ou Dae

4. Sê My (Bewe)

5. Kom wat wil

6. Kalmeer

7. Hyg

8. Daai Oë

9. Haar Vuur

10. Iets In Die Water

11. Jy Maak My

12. Kalmeer (Akoesties)

13. Dis Al Wat Ek Het (Akoesties)

14. Plak Jou Hart Vas (Akoesties)

15. Say What You Want (Akoesties)

16. Ken Jou Waarde met Early B

 

Koop Nou!

 

ADAM & Daniel Baron – Young And Wild

 

Na die sukses van hulle enkelsnit, Say What You Want het ADAM en Daniel Baron verder kragte saamgespan om ‘n 6 snit album bekend te stel. Die kragtige album is gelaai met ‘n danstreffer of twee sowel as emosionele ballades. Dit is duidelik dat ADAM en Daniel Baron se verskillende klanke saamsmelt vir ‘n eindproduk wat jou sal hoendervleis gee. Uitgereik in 2015.

 

1. Say What You Want

2. You

3. How

4. We Made It

5. Young And Wild

6. City Of Dreams

7. Say What You Want (Acoustic)

 

Koop Nou!