Biografie

Robbie is `n kunstenaar eie in sy soort. As akteur, sanger, liedjieskrywer en filmmaker  kan hy jou laat lê van die lag, maar jou ook dieper laat delf in die dinge van die lewe. `n Grapjas is hy beslis, maar dis ook daardie ander sielvolle kant wat hom oor die jare `n groot gunsteling onder Afrikaanse aanhangers gemaak het. Oorspronklik, humoristies, diep. Dit is die drie woorde waarmee Robbie Wessels se werk beskryf kan word.

Sy laaste album, Woestyn is in Junie 2017 uitgereik en is weer ‘n opsomming van Robbie se tong-in-die-kies humor maar bevat ook ‘n paar ballades wat jou voete onder jou sal uitslaan. Een van die enkelsnitte, Mphe Di Hoenor het reeds meer as 4,9 miljoen kyke op YouTube en ‘n paar maande later reik hy die Engelse liedjie, Bobjan uit wat ook al meer as 1,4 miljoen kyk op YouTube opgelewer het. In 2018 het hy en Bok van Blerk kragte saamgespan vir die hartroerende duet, Die Sluise Van Die Hemel wat by die gesogde 2019 Ghoema Musiektoekennings bekroon is met die toekennings vir Mees Afgelaaide Liedjie van die Jaar asook die Mees Gestroomde Liedjie van die Jaar.

Robbie is as Vrystater gebore en het op ’n plaas buite Kroonstad groot geword, as Kapenaar gematrikuleer, en as Gautenger het hy sy diploma in Drama by Tshwane Universiteit van Tegnologie gewerf.  In 2002 het hy bekend geword as die karakter Poena in die gewilde TV-reeks Gauteng-alêng-alêng en in 2005 verras hy die land met sy talent as sanger en liedjieskrywer met die album, My Vissermanvriend Se Pa. Hierdie album het 120 000 kopieë verkoop. In 2005 word Robbie by die Huisgenoot Tempo-toekennings as  gunsteling nuweling aangewys en in 2006 word sy tweede album, Halley Se Komeet, by die KKNK vrygestel.

Die reuse trefferliedjie Leeuloop word deur Vodacom gebruik vir hul advertensieveldtog en die grapmaker het omtrent die land aan die gons gehad . Daarna het hy verskeie treffer albums uitgereik onder andere Afrika Sonsak in 2009, Kaalvoet in 2011 asook Als Wat Ek Het in 2014. Bekende enkelsnitte op hierdie albums het ingesluit Hou Vas Jou Matras, Waar Lê Jy Vanaand?, Verbode Vrugte, Asseblief my Lief, Die Coach Se Speech, Asetileen En Suurstof, All Blacks teen die All Blacks en vele meer.

Al Robbie se liedjies is oorspronklik en word uit persoonlike ervaring neergepen. Met sy lewenspad kruis Robbie baie interessante mense, wat toevoeg tot al die stories wat hy met soveel deernis vertel deur sy musiek. Robbie het ‘n unieke aanvoeling vir die wêreld en sy mense en dit word duidelik gesien en gehoor in sy liedjies.  Te midde van sy sukses gee hy slegs krediet aan sy Skepper wat hom hierdie geskenk gegee het om mense te kan vermaak. “Ek is ‘n rustige ou wat lief is vir my land en my familie” sê Robbie.

“Afrikaanse musiek is nog een van my liefdes en ek hoop dat ek ‘n bydrae kan lewer. Dit is ‘n plesier en ‘n eer om vir die land en sy mense op te tree.”

Gepraat van sy vele talente, Robbie en sy broer Hamilton het saam hul eerste draaiboek geskryf genaamd 100 Meter Leeuloop.  Bekende gesigte in die komedie het ingesluit Hanna Grobler, Emo Adams, Annette Engelbrecht en natuurlik Robbie as Manie Mol.  Hierdie skreeusnaakse film het sy verskyning op die grootskerm gemaak in 2013.

Robbie se liefde vir teater word ook nie opsy gesit nie en in 2013 maak hy sy verskyning in die Jesus Musiekblyspel as Johannes die Doper by die Staatsteater onder leiding van Deon Opperman.  Hy’s bekend as ‘n bok vir sports en het ook die rol van Kobus vertolk in die gewilde Afrikaanse kykNET sepie Binnelanders om sy talent as akteur verder uit te brei.

Robbie is een persoon wat glad nie kan stilsit nie en is altyd besig met ‘n nuwe projek of album. Ons sien uit na wat 2019 verder vir die veelsydige  kunstenaar inhou!

Video's

Musiek

ROBBIE WESSELS – KHOI AND SON

Dié liedjie vertel die storie van jagters: dié wat jag vir die pret en diegene wat
moet jag om te eet. Robbie dra met humor die boodskap oor dat alhoewel jag oor
die algemeen belangrik is vir verskillende redes, moet die natuur nogsteeds
gerespekteer word. Uitgereik in 2019.

KOOP NOU!

 

ROBBIE WESSELS – SIYA KOLISI

Robbie bring hulde aan Springbokkaptein Siya Kolisi wat Suid-Afrika na Rugby Wereldbeker sukses gelei het in 2019.  ‘n Roerende tribute in hierdie enkelsnit en musiekvideo. Uitgereik 2019.

KOOP NOU!

 

ROBBIE WESSELS EN SY BOKKE

Robbie Wessels het kragte saam met musiekvriende soos Jo Black, Appel, Early B en vele meer gespan om gees te bou vir die 2019 Rugby Wêreldbeker in Japan. Die album bevat 13 snitte wat wissel tussen voetjeuklekker danstreffers, komiese geesbou-liedjies en emosiebelaaide huldeblyke aan rugbylegendes. UItgereik in 2019.

  1. Staan Saam – Robbie Wessels en Appel
  2. Jason Bourne – Robbie Wessels
  3. Back Die Bokke – Early B
  4. Sit Dit Harder – Pieter Koen
  5. Liefling – Robbie Wessels – Jo Black, Appel en Danny Smoke
  6. 1,2,3 (Dis ‘n Lekker Dop Die) – Appel
  7. Sumo Nie Meer Nie – Robbie Wessels
  8. Dorp Toe – Fatman
  9. Japaan – Robbie Wessels
  10. Ons Eet Alles (Keurspel) – Robbie Wessels
  11. Legendes – Robbie Wessels
  12. Skepe – Jo Black
  13. Pat Lambie – Robbie Wessels

KOOP NOU!

 

ROBBIE WESSELS & APPEL – STAAN SAAM

Robbie Wessels en Appel vang gees vir die 2019 Rugby Wêreldbeker in Japan. Hier is die voorsmakie van die volle album wat binnekort vrygestel word. Uitgereik in 2019.

KOOP NOU!

Woestyn

Die 15 snit album is ‘n móét vir enige Robbie Wessels aanhanger. Van tong-in-die-kies lekker luister liedjies tot ballades wat die hartsnare sal roer. Kleurvol en vermaaklik met Robbie se dieper kant wat ook na vore kom. Uitgereik in 2017.

 

  1. Mphe Di Hoenor
  2. Papgooiervlei
  3. Kampioen
  4. Hatfield
  5. Lucky Rodrigos
  6. Oupoot En Piet
  7. Woestyn
  8. Broederliefde
  9. Is Dit Jy?
  10. Cheetah Song
  11. State Of The Nation
  12. Jy Is My Liefling
  13. Ek Rig My Oë
  14. Pimp My Ride
  15. My Arms Is Oop

KOOP NOU!

 

Als Wat Ek Het

Na ‘n lang stilte het Robbie Wessels in 2014 sy vyfde album uitgereik. Sy humoristiese kant kom sterk deur in liedjies soos All Blacks teen die All Blacks en Gym Of All Nations. Soos oudergewoonte is daar ook ‘n paar ballades met meer om die lyf om die nostalgie aan te wakker. Uitgereik in 2014.

 

  1. All Blacks Teen Die All Blacks
  2. Gym Of All Nations
  3. Floyd McClung
  4. Als Wat Ek Het
  5. As Die Liefde Voor Jou Staan
  6. Krummel En Baksteen
  7. Somerliefde
  8. Iets Bekends
  9. Chakile En Jimanzi
  10. Tuks Of Niks
  11. Strale Van Die Son
  12. Gedig Oor Agulhas
  13. Onthou Jy Nog
  14. Middernagkitare

KOOP NOU!

 

Kaalvoet

Kaalvoet is in 2012 uitgereik en is ‘n genotvolle luister-ervaring vir enige Robbie Wessels aanhanger. Dit sluit in lawwe saamsing-liedjies en selfs meer rustige snitte waar sy diep, kleurryke stem na vore kom. Uitgereik in 2012.

 

  1. Macarena Mambo
  2. The Jackal Tackle – Snorre 2
  3. Asetileen En Suurstof
  4. Tussen Die Duiwel En Diep Blou See
  5. Staan Saam
  6. Pinochio Se Dam
  7. Ons Huil Nie
  8. Banana Mango
  9. Kom Terug
  10. Kaalvoet
  11. Oerknal
  12. Oom Wille Se Springbokplaas
  13. Lang Gras
  14. Wolke

KOOP NOU!

 

Afrika Sonsak

Uitgereik in 2009.

 

  1. Afrika Sonsak
  2. Player 23
  3. Liewe Ouers
  4. Sal Ek Ooit Weet
  5. Speedo’s En Crocs
  6. Is Jy Vry?
  7. Stacey En Thysie
  8. Brief Vir Brolloks
  9. Dis Verby
  10. Slapchips En Atjar
  11. Halleluja Om die Vuur
  12. Sein In Die Hemel

KOOP NOU!

 

Grootste Treffers

Van Leeuloop tot Halley Se Komeet tot Verbode Vrugte – Robbie Wessels se liedjies het al volksbesit geword. Die album bevat 19 van sy grootste treffers om jonk en oud te vermaak. Uitgereik in 2008.

  1. Leeuloop
  2. Halley Se Komeet
  3. Hou Vas Jou Matras
  4. Asseblief My Lief
  5. My Vissersmanvriend Se Pa
  6. Waar Lê Jy Vanaand
  7. Verbode Vrugte
  8. Pieter Van Zyl
  9. Hartswater
  10. Angeline
  11. Skinnidip
  12. Snoekie
  13. Aan Jou Van My
  14. John West
  15. Reënboognooi
  16. Selftan Lotion (Live)
  17.  Hou Die Springbok Mighty High
  18. Die Cheetah Song
  19. Staan Terug Vir Die Manne In Wit

 

Halley Se Komeet

Uitgereik in 2006.

  1. Halley Se Komeet
  2. Asseblief My Lief
  3. Die Cheetah Song
  4. Angeline
  5. Hartswater
  6. Skinnidip
  7. Leeuloop
  8. Aan Jou Van My
  9. Lorrie Drywer
  10. Selftan Lotion (Live)
  11. Staan Terug Vir Die Manne In Wit
  12. Sewe Velle
  13. Lyah (Gedig)
  14.  Die Man Van Die Parkie
  15. Halley Se Komeet (Akoesties)

KOOP NOU!

 

My Visserman Vriend Se Pa

Uitgereik in 2005.

  1. Waar Lê Jy Vanaand
  2. Snoekie (Sproetjies)
  3. Hou Vas Jou Matras
  4. My Visserman Vriend Se Pa
  5. Prop
  6. Pieter Van Zyl (Byeboerwa)
  7. Verbode Vrugte
  8. Hou Die Springbok Mighty High
  9. Reënboognooi
  10. Die Wissingbroers
  11. John West
  12. Bones

KOOP NOU!

Bespreek My