Andre Schwartz en Amanda Strydom bring ‘n huldeblyk aan twee van die wêreld se grootste kunstenaars – Jacques Brel en Edith Piaf – in ‘n produksie wat opreg en eerlik is, sonder enige oortollige woorde of geskiedenislesse.

Deur die lirieke te ontgin, onthul hulle die stories soos die skrywers dit bedoel het. Liedjies soos “Marieke”, “Ne Me Quitte Pas”, “Seasons in the Sun”, “Autumn Leaves” en nog vele meer word meesterlik vertolk onder die bekwame begeleiding van Coenraad Rall.

Saartjie Botha se bindingswoord is eerlik en treffend, terwyl Kobus Burger die produksie beskryf as “Brel/Piaf soos ‘n stukkie brokaat wat in die gehoor se hand gelê word. ‘n Mens is amper te bang om dit toe te vou. Dit is kleinkuns op sy beste.”