Bespreek nou vir een van hierdie aanlynkonserte om saam met jou gunsteling kunstenaar te kuier.

LOCKDOWN LEKKERTE - VERSKEIE KUNSTENAARS - 3 OKTOBER

Lockdown Lekkerte met ‘n gatskop line-up wat Robbie Wessels, Leah, Willem Botha, Andre Schwartz, Lee Scott en Bianca le Grange insluit.

Kom kuier saam aanlyn wanneer hierdie groep kunstenaars jou op reis neem met hul eie treffers vermeng met immergroen nommers en ‘n paar verrassings tussen in.

Moenie hierdie ongelooflike produksie misloop nie! Kaartjies is slegs R50.

OPTOG E-KONSERT - ROBBIE WESSELS & ORKES

Jy kan ’n aanlynkonsert van die immergewilde Robbie Wessels geniet as deel van die gesogte OPTOG-reeks wat vroeër die jaar by die Atterbury-teater opgeneem is. Robbie sing in dié konsert ook liedjies van sy splinternuwe album, Die Sluise van die Hemel, waarmee hy weer aanhangers laat glimlag met sy humoristiese aanslag en voed ook die dieper denkers met liedjies wat elkeen ’n storie vertel.

POTJIE IS GROOT - JAY & ORKES

Jay weet hoe om die partytjie aan die gang te kry, maar so ook ‘n lekker potjie. Nou dat ons almal tuis moet bly nooi Jay jou om virtueel by hom aan te sluit terwyl hy ‘n groot potjie aan mekaar gaanslaan. Hy gaan nie net ‘n potjie bou nie maar gaan ook lekker die potte skud met opvoerings van sy grootste treffers. Jay se INbly-konsert Potjie is Groot gaan jou verseker ‘n lekker tyd gee. En wie weet, dalk kom maak tannie Martha ‘n draai’ Trek jou eie potjie nader en geniet Potjie is Groot met Jay.