Chanique

Chanique is die Namibiese skoonheid wat die Mej. Supranational-titel ingepalm het in 2021. Dié gesogte titel is deel van die groot drie – Mej. Wêreld, Mej. Heelal en Mej. Supranational. Na sy haar kroon aan haar opvolger van Suid-Afrika oorhandig het is sy nou permanent in Pretoria. Sy is nou eksklusief by CO Productions as motiveringspreker, aanbieder en beoordelaar beskikbaar. So vir jou volgende Mnr. & Mej.-funksie of korporatiewe funksie is sy jou keuse vir ‘n tikkie sprankel soos net sy kan.

Juanita du Plessis

Juanita du Plessis is terug met ‘n bang. Haar nuutste enkelsnit, Liewe Jinne het goue status bereik in slegs 78 dae. Die musiekvideo het ook reeds 2.8miljoen kyke op YouTube. Dis beslis een van die groot songs van hierdie somer!

Robbie Wessels

Hy was weer behoorlik in groen en goud – letterlik en figuurlik. Robbie Wessels se liedjie, Bakkie Balle het die vol rugbyalbum, Hiep Hiep Hoera voorafgegaan. Sy nuutste enkelsnit, Eben Etsebeth is nou beskikbaar met nog nuwe musiek middel Desember op pad.

Leah

Leah is terug op die kassie met, Lottoland Help ‘n Dorp. Elke Woensdag slegs op kykNET vat sy die pad en rol haar moue op om gemeenskappe reg oor die land te help. Haar nuwe enkelsnit, Ligte Laag is ook nou op alle stromingsdienste beskikbaar.

Willem Botha

Willem Botha het nuwe musiek op pad in April 2024 en ons kan nie wag nie. Verder is hy besig met sy Willem Botha Make-Up Masterclasses reg oor die land en het in 2023 meer as 52 x uitverkoopte klasse aangebied.

Franja du Plessis

Sy is terug en haar eerste enkelsnit, Hakahana het trefferparades reg oor die land betree. Daar is ‘n baie lekker duet met Ruan Josh op pad in Februarie en nog hope ander musiek vir die res van 2024.

Ruan Josh

Met sy baie suksesvolle enkelsnitte, Ligte Laag, Vat Die Houe en Ek Sukkel in 2023 het Ruan sy veelsydigheid bewys. ‘n Lekker duet met Franja du Plessis kom in Februarie 2024 en sy volle album in Maart 2024.

Lee Scott

Hy is een van die beste stemme in die bedryf en het ook al ’n draai op die Starlight Classics verhoog gemaak. Hy werk tans aan ’n splinternuwe enkelsnit wat binnekort die lig sal sien. Lee het ook bekend geword as aanbieder van die musiekprogram, Kliphard, wat op SABC2 uitgesaai word. Hy het ook in 2020 sy eie sangafrigting studio begin in Pretoria en sy nuutste produksie – Adele & Bublé is nou beskikbaar – akoestiese vertoning met Chanie Jonker op klavier.

SJ van Dyk

Die nuweling SJ van Dyk het onlangs by die CO Productions-familie aangesluit, Hou die spasie dop vir opwindende nuwe musiek wat op pad is uit die pen van mooi man wat kniee behoorlik lam maak.