Willem Botha

Sy nuwe enkelsnit, Een Shot, is nou op alle digitale platforms beskikbaar en die voorloper van die album wat in Februarie 2020 op die rakke sal wees. Maak seker Een Shot is op jou playlist hierdie somervakansie! Hy kuier ook elke Sondag saam in jou sitkamer as veldaanbieder vir Kwêla en neem ook kiekies van ander bekendes vir tydskrifvoorblaaie.

Leah

Haar langverwagte album, Kyk Na My, is nou landswyd asook digitaal beskikbaar. Die eerste enkelsnit, wat ook die titelsnit is, se musiekvideo raak jou hartsnare en is nou op YouTube beskikbaar. Sy is terug as die aanbieder van Boer Soek ‘n Vrou Seisoen 12 wat vanaf Oktober op die kassie is. Sy en Lee Scott is ook besig met hul produksie Battle of the Voices.

Jay

Sy nuutste enkelsnit, Lê ‘n Bietjie Langer, het reeds meer as vyf miljoen kyke op YouTube en soos altyd is JAY die ideale keuse vir enige kuierplek, fees of funksie waar jy die partytjie aan die gang wil kry. Hy is hard aan die werk aan ‘n nuwe album wat vroeg 2020 die radiogolwe en winkelrakke sal tref so kyk uit vir hom!

Robbie Wessels

Robbie Wessels is terug met ‘n rugby geesvang album vir die Rugby Wêreldbeker saam met van sy musiekvriende. Die album is nou digitaal en landswyd beskikbaar so kry hom en ondersteun die Bokke! Hy werk ook aan ‘n nuwe oorspronklike album vir die eerste helfte van 2020. Robbie doen slegs 45 x optredes per jaar wat hom lekker ekslusief maak.

Lee Scott

Hy is een van die beste stemme in die bedryf en het onlangs ‘n draai op die Starlight Classics verhoog gemaak. Sy splinternuwe enkelsnit, VRY, is nou digitaal beskikbaar. Dis ‘n lekker tune met ‘n dieper boodskap en die musiekvideo is ook nou op YouTube te sien. Lee Scott is die antwoord vir jou fees, funksie, skou of konsert!

André Schwartz

Hierdie lewende legende in Afrikaans is terug met ‘n splinternuwe oorspronklike album, Die Pad. Enkelsnitte soos Tweede Kans, Ek Sal Wag en titelsnit Die Pad is baie goed ontvang. Hy betower weereens met sy kenmerkende pop klank en ongelooflike stemkwaliteit. Sy nuwe produksie Die Pad vat jou op reis deur sy lewe van kindsbeen tot vandag insluitend sy pad met MNS.

Bianca Le Grange

Hierdie diva is ‘n bondel energie met ‘n engelstem. Bianca is die ideale antwoord vir enige korporatiewe funksie of produksie, maar werk ook tans aan nuwe Afrikaanse materiaal saam met manlief, David Johnson (Liam van Getroud met Rugby-faam) wat vroeg 2020 uitgereik sal word. Sy is ook ‘n uitmuntende MC en sal enige geleentheid laat sprankel.