Franja du Plessis, ‘n liedjieskrywer, en aktrise, het van jongs af aan haar passie vir musiek en die verhoog geopenbaar. Sy het deelgeneem aan verskeie sang- en talentkompetisies sedert haar skooljare, en haar talent vir musiek het vinnig sigbaar geword toe sy die hoofrol van Leika vertolk het in haar skool se revue tydens haar matriekjaar aan die Hoërskool Die Wilgers.

Haar verhoogloopbaan het haar regoor die land geneem, met optredes in produksies soos “Afrikaans is Groot” en “Gospel Skouspel” in 2013. Sy het ook ‘n indrukwekkende vertoning gelewer in die rol van Marna de Jager in die fliek “As Jy Sing”, waar sy ook ‘n liedjie met die titel “In Twee Geskeur” vir die fliek geskryf het.

Franja se musikale talente strek ook tot die skryf van liedjies vir ander kunstenaars, soos haar Ma die platinumster, Juanita du Plessis. Sy het verskeie treffers vir Juanita geskryf, insluitend “Om Jou Pinkie”, “Aanhou Om Aan Te Hou”, en “Kaalvoetkinners”.

Na haar studie van musiek en produksie aan die Berkley Universiteit van Kalifornië het Franja haar debuutalbum “My Verhaal” in 2016 vrygestel. Hierdie album was die begin van ‘n suksesvolle loopbaan in die musiekbedryf.

Franja se tweede album, “Hittegolf”, wat in 2018 uitgereik is, bevat 13 nuwe liedjies wat almal deur haar geskryf is. Met haar eerlike benadering tot musiek en ‘n sterk vertroue in haar eie kuns, het hierdie album haar gehoor, jonk en oud, nie teleurgestel nie.

Haar nuutste album, “Los Jou Hart”, wat in 2022 uitgereik is, het treffers soos “Bring Dit”, “Gee My ‘n Boerseun”, en “My Lief”. Franja het ook saam met Juanita du Plessis en Ruan Josh ‘n Sing Country-album in Desember 2021 uitgereik, wat ‘n nuwe draai aan haar musikale aanbod gee. Nuutste enkelsnitte “Hakahana” en “Deur Die Reen” is op alle stromingsdienste beskikbaar.

Franja is ‘n baie musikale individu wat ‘n verskeidenheid instrumente beheers, insluitend dromme, baskitaar, akoestiese kitaar, en mondfluitjie. Sy is ook aktief betrokke by die vervaardiging van musiek in die ateljee.

Sy het baie nuwe musiek op pad in 2024 en verder skuif sy as vervaardiger in die ateljee in vir haar en anders sangers se opname en verwerkings aan die produksie kant.

HAKAHANA

Nuwe enkelsnit uit haar eie pen wat enige partytjie aan die gang kry. Uitgereik in 2023.

1. Hakahana

LUISTER HIER!

 

 

LOS JOU HART

Franja du Plessis is terug met ‘n splinternuwe album. Die vol album is beskikbaar in Mei, maar jy kan solank na die eerste paar enkelsnitte luister. Uitgereik in 2022.

  1. My Lief
  2. Los Jou Hart
  3. Bring Dit
  4. Langpad
  5. Gee Die Beker
  6. Gee My ‘n Boerseun
  7. Little By Little
  8. More Hearts Than Mine

LUISTER HIER!

SING COUNTRY

Die trio is terug! Juanita du Plessis, Ruan Josh en Franja du Plessis se Sing Country album is gevul met immergroen treffers asook nuwe snitte. Uitgereik in 2021.

  1. Trapkap
  2. She’s Mine
  3. WWDD
  4. Try Everything
  5. MMMBop
  6. Angels Above Me
  7. Sanctuary
  8. Only Jesus
  9. Unbroken
  10. Waltzing Maria
  11. Help Me Make It Through The Night (Live)

LUISTER HIER!

 

HITTEGOLF

Hittegolf volg in die suksesvolle voetspore van haar album, My Verhaal en bevat 12 splinternuwe enkelsnitte wat jou tone sal laat omrkul van genot maar ook die hartsnare roer. Uitgereik in 2018.

  1. Musiek In My Ore
  2. Somer
  3. Lag Tot Jy Huil
  4. Aanhou Klop
  5. Lippe Lees
  6. Sakke Sout
  7. Jy’s Die Lig
  8. Hittegolf
  9. Girls Night
  10. Kom Ons Dans
  11. Toktokkie
  12. Nie Meer Hier Nie

LUISTER HIER!