Leah het die Suid-Afrikaanse vermaaklikheidsbedryf stormgeloop in 2015 met ’n uiters suksesvolle debuutalbum, en het vinnig ’n huishoudelike naam en ‘n publieksgunsteling geword. Met treffers soos “Met Jou Klere Aan” en “Volmaan” het sy jonk en oud, mans en vroue oorrompel.

Almal wil haar vriendin wees, soos sy wees, of net sê dat hulle die bondel energie ken wat altyd tyd maak vir ander. Haar debuutalbum, “Wonderwerk”, het ook goue status behaal. Sy was die aanbieder van kykNET se immergewilde reeks “Boer Soek ’n Vrou”, waar sy boere gehelp het in hul soektog na liefde asook reekse soos “Duidelik Dapper” en huidiglik “Lottoland Help ‘n Dorp.”

Sy het ook haar plek op die silwerskerm verdien in die 2013 musiekfliek “As Jy Sing” en in die 2018 rolprent “SUSTERS”, waarin sy een van die hoofrolle vertolk het. “SUSTERS” het ook verskeie loketrekords in Suid-Afrika gebreek.

Leah bly in Kaapstad saam met haar man, Hennie, en hul twee hondekinders, Lilla en Miggie. Sy het ’n sterk ondersteuningsnetwerk wat haar help om haar passie vir musiek, dans, en toneelspeel te leef. Haar album, “Kyk Na My”, is in September 2019 bekendgestel, met treffers soos “Kyk Na My”, “Ek Noem Jou Myne (Cross My Heart)”, en “Girls Night”.  Meer onlangse vrystelling is die enkelsnitte – “Move Aan”, “Ek Like Jou” en “Ligte Laag.”

Leah het nie net drie albums nie, maar het ook ’n BCom (Regte) graad en opleiding aan die Waterfront Teaterskool. Sy het grootgeword in ’n huis waar musiek altyd ’n groot rol gespeel het. “Musiek is in my bloed,” sê sy. Na inskrywings in verskeie musiekkompetisies en TV-advertensies, was Leah se groot deurbraak die Rapport Model van die Jaar-kompetisie wat sy in November 2011 gewen het. Die bekroonde liedjieskrywer Johan Vorster het Leah gehoor en binne maande ’n opnamekontrak aangebied.

Terwyl sy hard gewerk het aan haar debuutalbum, was Leah ook genooi om in die silwerskermsukses “As Jy Sing” te sing en toneel te speel.

Leah se musiek is meer kontemporêr as pop. Dit het haar verskeie toekennings en nominasies besorg, waaronder die Ghoema “Nuweling van die Jaar”, Huisgenoot Tempo Toekennings vir “Nuweling van die Jaar”, “Musiekvideo van die Jaar” en “Liedjie van die Jaar” vir “Met Jou Klere Aan”. Snitte soos “Ek Moes Jou Gesoen Het”, met Bobby van Jaarsveld as gaskunstenaar, verraai Leah se vernuftige styl.

Sy het ook ’n trefferduet saam met Jo Black uitgereik, getiteld “Nooit Alleen”, wat ook die temalied vir die fliek “SUSTERS” was. Haar funky treffer saam met Kurt Darren en Snotkop, “Selfie Song”, is ’n vinnige tong-in-die-kies liedjie wat baie musiekliefhebbers se voete laat jeuk.

Daar is nuwe musiek op pad in 2024 en nog twee reeks van kykNET se “Lottoland Help ‘n Dorp.”

LIGTE LAAG

Sy is terug met ‘n lekker somertreffer wat die voete laat jeuk. Uitgereik in 2023.

1. Ligte Laag

LUISTER HIER!

 

EK LIKE JOU

Nog ‘n lekker partytjietreffer vir nou naweekspeellys. Leah laat die voete jeuk met hierdie nommer. Uitgereik in 2022.

1. Ek Like Jou

LUISTER HIER!

 

MOVE AAN

Leah is terug met ‘n lekker partytjietreffer perfek vir jou naweek speellys. Skink ‘n koue een en sit jou move aan. UItgereik in 2021.

  1. Move Aan

LUISTER HIER!

 

LEAH IN AFRIKAANS LIVE

‘n Akoestiese LIVE vrystelling met ‘n kombinasie van oorspronklike musiek en immergroen gunstelinge.  Uitgereik in 2021.

1. Volmaan
2. Ek Noem Jou Myne
3. Girls Night
4. Met Jou Klere Aan
5. Ek Mag Jou Mis
6. Kyk Na My
7. I Wanna Hold Your Hand
8. Want To Want Me / Wanna Dance With Somebody
9. Stille Waters / Vier Seisoene Kind

LUISTER HIER!

 

KYK NA MY

Die titelsnit vanaf die album, Kyk Na My is geskryf deur Johan Vorster en Karen Zoid. Die album bevat 9 liedjies insluitende die pragduet, Nooit Alleen saam met Jo Black en die partytjietreffer, Selfie Song saam met Snotkop en Kurt Darren. Uitgereik in 2019.

1. Ek Noem Jou MYNE (Cross My Heart)
2. Girls Night
3. Kyk Na My
4. Toe Ek Joune Was
5. Dromer
6. Nooit Alleen
7. Ek Mag Jou Mis
8. Selfie Song
9. Girls Night (English Version)

LUISTER HIER!

WONDERWERK DELUXE

Leah se Deluxe-weergawe van Wonderwerk spog met drie splinternuwe treffers asook n nuwe duet en nuwe weergawes van Met Jou Klere Aan en Meer As Niks. Uitgereik in 2016.

1. Jou Liefde
2. Cest La Vie
3. Maak My Dag
4. Photograph met Roan van As
5. Volmaan
6. Ek Bely
7. Met Jou Klere Aan
8. Meer As Niks
9. Dronk Vir Jou
10. Kannieophoudinkaanjougedagte
11. Liefde Is
12. Ek Vergewe Jou met Dewald Wasserfall
13. Mooiweer
14. Iemand Wat Ek Nog Nie Ken Nie
15. As Dit Verby Is
16. Wonderwerk

LUISTER HIER!

 

WONDERWERK

Die langverwagte debuutalbum van nuwe sangsensie, Leah is beslis een wat in jou versameling moet pryk! Lekker luister musiek met siel. Uitgereik in 2015.

1. Wonderwerk
2. Mooiweer
3. Met Jou Klere Aan
4. Volmaan
5. Ek Bely
6. Ek Vergewe Jou (duet met Dewald Wasserfall)
7. Meer As Niks
8. Liefde Is…
9. Ek Moes jou Gesoen Het (duet met Bobby van Jaarsveld)
10. Dronk Vir Jou
11. Iemand Wat Ek Nog Nie Ken Nie
12. Kannieophoudink-aanjougedagte
13. Perfeksie
14. As Dit Verby Is

LUISTER HIER!

AS JY SING

Sy het die hoofrol in die Afrikaanse musiekfliek gespeel teenoor die smeulende Bobby van Jaarsveld. Hiermee die klankbaan wat in 2013 uitgereik is. 

1.  Totaal Finaal
2. Eendag As Ons Groot Is
3. Snak Na My Asem
4. Ek Moes Jou Gesoen Het
5. Knieë Lam
6. ‘n Vrou Wil Dit Hoor
7. Ek Wil Nie Kwaad Gaan Slaap Nie
8. Hoor Hoe Raas Die  Stilte
9. Timbuktu
10. Superhero
11. Vergeet Wat Jy Weet Van Liefde
12. In Twee Geskeur
13. Soentjie
14. Huil Soos ‘n Man
15. Eendag As Ons Groot Is – Reprise